(БҰРЫНҒЫ РЕДАКЦИЯ) 2014 ЖЫЛҒЫ 29 МАМЫРДАҒЫ ЕУРАЗИЯЛЫҚ ЭКОНОМИКАЛЫҚ ОДАҚ...

Жоба

2014 жылғы 29 мамырдағы Еуразиялық экономикалық одақ туралы шартқа өзгерістер енгізу туралы

хаттама

Осы редакция 2019 жылғы 26 қыркүйекте енгізілген өзгерістеріне дейін қолданылды

ҚР Үкіметінің 2019 жылғы 8 мамырдағы № 264 Қаулысымен ҚР Президентінің қарауына хаттамаға қол қою туралы ұсыныс енгізілді

Бұдан әрі мүше мемлекеттер деп аталатын Еуразиялық экономикалық одаққа мүше мемлекеттер

2014 жылғы 29 мамырдағы Еуразиялық экономикалық одақ туралы шарттың 115-бабын басшылыққа ала отырып,

төмендегілер туралы келісті:

1-бап

2014 жылғы 29 мамырдағы Еуразиялық экономикалық одақ туралы шартқа мынадай өзгерістер енгізілсін:

1) 40-баптың 1-тармағы «преференциялар» деген сөздің алдынан «тарифтік» деген сөзбен толықтырылсын;

2) 42-бапта:

4-тармақ мынадай редакцияда жазылсын:

«4. Еуразиялық экономикалық одақтың Бірыңғай кедендік тарифінің кедендік әкелу баждарының мөлшерлемелері біртұтас болып табылады және тауарларды Одақтың кедендік шекарасы арқылы өткізетін тұлғаларға, тауарлардың шығарылған жеріне (оның ішінде тауарлардың шығарылған жері белгісіз болған не расталмаған деп есептелген жағдайларда), мәмілелердің түрлеріне және өзге де мән-жайларға қарай өзгертілуге жатпайды.

Еуразиялық экономикалық одақтың Бірыңғай кедендік тарифінің кедендік әкелу баждарының мөлшерлемелері осы Шарттың 35, 36 және 40-баптарының, осы бабының 6-тармағының және 43-бабының, Одақ шеңберіндегі халықаралық шарттардың және Одақтың үшінші тараппен халықаралық шарттарының ережелері ескеріле отырып қолданылады.

Осы тармақтың ережелері, оның ішінде, егер тауарлармен сыртқы саудаға қатысты осы Шарттың 34-бабында көзделген неғұрлым қолайлы жағдай жасау режимі қолданылмаған жағдайда қолданылады.»;

6-тармақта:

бірінші абзацтағы «тарифінің» деген сөз «тарифі баждарының» деген сөздермен ауыстырылсын;