(БҰРЫНҒЫ РЕДАКЦИЯ) ЖЕКЕ ЖӘНЕ ЗАҢДЫ ТҰЛҒАЛАРҒА ЖАНУАРЛАРДЫҢ САУЛЫҒЫ МЕН ...

Қазақстан Республикасы

Ауыл шаруашылығы министрінің

2014 жылғы 30 қазандағы

№ 7-1/559 бұйрығына

3-қосымша

Осы редакция 2021 жылғы 9 қарашада енгізілген өзгерістеріне дейін қолданылды

Жеке және заңды тұлғаларға жануарлардың саулығы мен адамның денсаулығына

қауiп төндiретiн, алып қойылатын және жойылатын ауру жануарлардың, жануарлардан

алынатын өнiмдер мен шикiзаттың не жануарлардың саулығы мен адамның денсаулығына

қауіп төндіретін, алып қоймай залалсыздандырылған (зарарсыздандырылған) және қайта өңделген

жануарлардың, жануарлардан алынатын өнімдер мен шикізаттың құнын өтеу

қағидалары мен шарттары

(2019.24.01. берілген өзгерістер мен толықтырулармен)

ҚР Премьер-Министрінің орынбасары - ҚР Ауыл шаруашылығы министрінің 2019.24.01. № 26 бұйрығымен 1-тараудың тақырыбы жаңа редакияда (бұр.ред.қара)

1-тарау. Жалпы ережелер

1. Осы Жеке және заңды тұлғаларға жануарлардың саулығы мен адамның денсаулығына қауiп төндiретiн, алып қойылатын және жойылатын ауру жануарлардың, жануарлардан алынатын өнiмдер мен шикiзаттың не жануарлардың саулығы мен адамның денсаулығына қауіп төндіретін, алып қоймай залалсыздандырылған (зарарсыздандырылған) және қайта өңделген жануарлардың, жануарлардан алынатын өнімдер мен шикізаттың құнын өтеу қағидалары мен шарттары (бұдан әрi - Қағдидалар) «Ветеринария туралы» 2002 жылғы 10 шiлдедегi Қазақстан Республикасы Заңының (бұдан әрі - Заң) 30-бабының 4-тармағына сәйкес әзiрлендi және жануарлардың саулығы мен адамның денсаулығына қауiп төндiретiн, ауру жануарларды, жануарлардан алынатын өнiмдер мен шикiзатты алып қою және жою не жануарлардың саулығы мен адамның денсаулығына қауіп төндіретін, жануарларды, жануарлардан алынатын өнімдер мен шикізатты алып қоймай залалсыздандыру (зарарсыздандыру) және қайта өңдеу кезінде олардың құнын өтеудің тәртiбi мен шарттарын анықтайды.