(БҰРЫНҒЫ РЕДАКЦИЯ) «ЖЕР УЧАСКЕСІНІҢ ТИЕСІЛІГІ ТУРАЛЫ АҚПАРАТ БЕРУ» МЕМЛ...

Осы редакция 2016 жылғы 20 ақпанда енгізілген өзгерістеріне дейін қолданылды

Қазақстан Республикасы

Ұлттық экономика министрінің

2015 жылғы 24 сәуірдегі

№ 355 бұйрығына

3-қосымша

«Жер учаскесінің тиесілігі туралы ақпарат беру»

мемлекеттік көрсетілетін қызмет регламенті

1. Жалпы ереже

1. «Жер учаскесінің тиесілігі туралы ақпарат беру» мемлекеттік қызметті (бұдан әрі - мемлекеттік қызмет) Қазақстан Республикасы Ұлттық экономика министрлігінің Құрылыс, тұрғын үй-коммуналдық шаруашылығы және жер ресурстарын басқару комитетінің «Жер кадастры ғылыми-өндірістік орталығы» шаруашылық жүргізу құқығындағы республикалық мемлекеттік кәсіпорынмен (бұдан әрі - қызмет көрсетуші), Қазақстан Республикасы Ұлттық экономика министрінің міндетін атқарушының 2015 жылғы 27 наурыздағы № 272 бұйрығымен бекітілген «Жер учаскесінің тиесілігі туралы ақпараттарды беру» мемлекеттік қызмет стандартына (2015 жылғы 15 мамырда нормативтік құқықтық актілерді мемлекеттік тіркеу тізіліміне № 11050 болып тіркелді) (бұдан әрі - стандарт) сәйкес көрсетіледі.

2. Мемлекеттік қызметті көрсету нысаны: электрондық (толық автоматтандырылған) және (немесе) қағаз түрінде.

3. Мемлекеттік қызметті көрсету нәтижесі - жер учаскесінің тиесілігі туралы ақпарат анықтама (бұдан әрі - ақпарат).

2. Мемлекеттік қызмет көрсету процесінде көрсетілетін қызмет берушінің құрылымдық бөлімшелерінің (қызметкерлерінің) іс-қимыл тәртібін сипаттау

4. Стандартқа сәйкес мемлеккеттік қызмет көрсету рәсімін (әрекетін) бастаудың негізі:

ХҚКО өтініш білдірген кезде - стандарттың 2-қосымшасына сәйкес нысан бойынша өтініш;

«электронды үкімет порталы арқылы өтініш білдірген кезде - қызмет алушының ЭЦҚ қол қойылған электронды құжат нысанындағы сұрауы.

5. Мемлекеттік қызмет көрсету рәсімінің құрамына кіретін әр рәсімнің (әрекеттің) мазмұны, орындау ұзақтығы: