(БҰРЫНҒЫ РЕДАКЦИЯ) ҚР ҮКІМЕТІНІҢ 2011.14.10 № 1169 ҚАУЛЫСЫ

Қазақстан Республикасы Еңбек және халықты әлеуметтік қорғау министрлігінің кадрлардың біліктілігін арттыру курсы республикалық мемлекеттік қазыналық кәсіпорнын тарату және Қазақстан Республикасы Еңбек және халықты әлеуметтік қорғау министрлігінің Кадрлардың біліктілігін арттыру курсы мемлекеттік мекемесін құру туралы
Қазақстан Республикасы Үкіметінің 2011 жылғы 14 қазандағы № 1169 Қаулысы

(2014.23.09. берілген өзгерістермен)

Осы редакция 2015 жылғы 28 тамызда енгізілген өзгерістеріне дейін қолданылды

Қазақстан Республикасының Үкіметі ҚАУЛЫ ЕТЕДІ:

1. «Қазақстан Республикасы Еңбек және халықты әлеуметтік қорғау министрлігінің кадрлардың біліктілігін арттыру курсы» республикалық мемлекеттік қазыналық кәсіпорны (бұдан әрі - кәсіпорын) таратылсын.

2-тармақ 2012 жылғы 1 қаңтардан бастап қолданысқа енгізілді

2. «Қазақстан Республикасы Еңбек және халықты әлеуметтік қорғау министрлігінің Кадрлардың біліктілігін арттыру курсы» мемлекеттік мекемесі (бұдан әрі - мекеме) құрылсын.

3-тармақ 2012 жылғы 1 қаңтардан бастап қолданысқа енгізілді

3. Қазақстан Республикасы Еңбек және халықты әлеуметтік қорғау министрлігі заңнамада белгіленген тәртіппен:

1) мекеменің жарғысын бекітсін және оның әділет органдарында мемлекеттік тіркелуін қамтамасыз етсін;

2) Қазақстан Республикасы Қаржы министрлігінің Мемлекеттік мүлік және жекешелендіру комитетімен бірлесіп, таратылатын кәсіпорын кредиторларының талаптары қанағаттандырылғаннан кейін қалған мүлкін мекемеге беруді қамтамасыз етсін;

3) осы қаулыны іске асыру жөнінде өзге де шараларды қабылдасын.

4-тармақ 2012 жылғы 1 қаңтардан бастап қолданысқа енгізілді

4. Мекемені қаржыландыру тиісті қаржы жылына арналған республикалық бюджетте Қазақстан Республикасы Еңбек және халықты әлеуметтік қорғау министрлігіне көзделген қаражат есебінен және шегінде жүзеге асырылады деп белгіленсін.

5-тармақ 2012 жылғы 1 қаңтардан бастап қолданысқа енгізілді