«Автомобиль көлігімен қауіпті жүктерді тасымалдау қағидаларын және Қазақстан Республикасының аумағында автокөлік құралдарымен тасымалдауға жол берілетін қауіпті жүктердің тізбесін бекіту туралы» Қазақстан Республикасы Инвестициялар және даму министрінің міндетін атқарушының 2015 жылғы 17 сәуірдегі № 460 бұйрығына өзгерістер мен толықтырулар енгізу туралы» Қазақстан Республикасы Инвестициялар және даму министрінің 2018 жылғы 9 қазандағы № 700 бұйрығы

 «Автомобиль көлігімен қауіпті жүктерді тасымалдау қағидаларын және Қазақстан Республикасының аумағында автокөлік құралдарымен тасымалдауға жол берілетін қауіпті жүктердің тізбесін бекіту туралы» Қазақстан Республикасы Инвестициялар және даму министрінің міндетін атқарушының 2015 жылғы 17 сәуірдегі № 460 бұйрығына өзгерістер мен толықтырулар енгізу туралы
Қазақстан Республикасы Инвестициялар және даму министрінің 2018 жылғы 9 қазандағы № 700 бұйрығы

«Құқықтық актілер туралы» 2016 жылғы 6 сәуірдегі Қазақстан Республикасы Заңының 50-бабының 2-тармағына сәйкес БҰЙЫРАМЫН:

1. «Автомобиль көлігімен қауіпті жүктерді тасымалдау қағидаларын және Қазақстан Республикасының аумағында автокөлік құралдарымен тасымалдауға жол берілетін қауіпті жүктердің тізбесін бекіту туралы» Қазақстан Республикасы Инвестициялар және даму министрінің міндетін атқарушының 2015 жылғы 17 сәуірдегі № 460 бұйрығына (Нормативтік құқықтық актілерді мемлекеттік тіркеу тізілімінде № 11779 болып тіркелген, «Әділет» ақпараттық-құқықтық жүйесінде 2015 жылғы 12 тамызда жарияланған) мынадай өзгерістер мен толықтырулар енгізілсін:

көрсетілген бұйрықпен бекітілген Автомобиль көлігімен қауіпті жүктерді тасымалдау қағидаларында:

1-тараудың тақырыбы мынадай редакцияда жазылсын:

«1-тарау. Жалпы ережелер»;

4-тармақ:

мынадай мазмұндағы 2-1) тармақшамен толықтырылсын:

«2-1) БҰҰ нөмірі - заттың немесе бұйымның төрт сандық сәйкестендіру нөмірі;»;

мынадай мазмұндағы 5) тармақшамен толықтырылсын:

«5) 1, 6 және 7-сыныпты қауіпті жүктерді тасымалдауға арналған арнайы рұқсат - 1, 6 және 7-сыныпты қауiптi жүктерді тасымалдауға құқық беретін уәкілетті орган берген қағаз тасығыштағы рұқсат беру құжаты немесе электрондық құжат.»;

2-тараудың тақырыбы мынадай редакцияда жазылсын:

«2-тарау. Автомобиль көлігімен қауiптi жүктерді тасымалдауды ұйымдастыру тәртібі»;

7, 8, 9, 10, 11 және 12-тармақтар мынадай редакцияда жазылсын: