(БҰРЫНҒЫ РЕДАКЦИЯ) ҚР ҚҚА БАСҚАРМАСЫНЫҢ 2007 ЖЫЛҒЫ 24 ЖЕЛТОҚСАНДАҒЫ ...

Қазақстан Республикасының кейбір нормативтік құқықтық актілеріне банк операцияларының жекелеген түрлерін жүзеге асыратын ұйымдардың қызметін реттеу мәселелері бойынша өзгерістер мен толықтырулар енгізу туралы
Қазақстан Республикасының Қаржы нарығын және қаржы ұйымдарын реттеу мен қадағалау жөніндегі агенттігі Басқармасының 2007 жылғы 24 желтоқсандағы № 274 Қаулысы

(2014.22.10. берілген өзгерістермен)

Осы редакция 2015 жылғы 1 шілдеге дейін қолданылды

Банк операцияларының жекелеген түрлерін жүзеге асыратын ұйымдардың қызметін реттейтін нормативтік құқықтық актілерді жетілдіру мақсатында, Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы ҚАУЛЫ ЕТЕДІ:

1. Қазақстан Республикасының мынадай нормативтік құқықтық актілеріне банк операцияларының жекелеген түрлерін жүзеге асыратын ұйымдардың қызметін реттеу мәселелері бойынша өзгерістер мен толықтырулар енгізілсін:

1) ҚР Ұлттық Банкі Басқармасының 2014.22.10. № 196 Қаулысымен күші жойылды (бұр.ред.қара)

2) Агенттік Басқармасының «Банк операцияларының жекелеген түрлерін жүзеге асыратын ұйымдардың есеп беру ережесін бекіту туралы» 2004 жылғы 27 қарашадағы № 334 қаулысына (Нормативтік құқықтық актілерді мемлекеттік тіркеу тізілімінде № 3327 тіркелген) Агенттік Басқармасының «Банк операцияларының жекелеген түрлерін жүзеге асыратын ұйымдардың есеп беру ережесін бекіту туралы» 2004 жылғы 27 қарашадағы № 334 қаулысына толықтыру мен өзгерістер енгізу туралы» 2006 жылғы 9 қаңтардағы № 13 қаулысымен (Нормативтік құқықтық актілерді мемлекеттік тіркеу тізілімінде № 4071 тіркелген) енгізілген толықтыруымен және өзгерістерімен бірге:

көрсетілген қаулымен бекітілген Банк операцияларының жекелеген түрлерін жүзеге асыратын ұйымдардың есеп беру ережесінде:

1 және 2-тармақтар мынадай редакцияда жазылсын:

«1. Банктік емес ұйымдардың есебіне мыналар жатады:

1) осы Ереженің 1-қосымшасына сәйкес берілген банк заемдары (бұдан әрі - заемдар) туралы есеп;