«Авиациялық персонал куәліктерін беру және олардың қолданылу мерзімін ұзарту қағидаларын бекіту туралы» Қазақстан Республикасы Көлік және коммуникация министрінің 2013 жылғы 26 қыркүйектегі № 750 бұйрығына өзгерістер мен толықтырулар енгізу туралы» Қазақстан Республикасы Көлік министрінің 2025 жылғы 8 қаңтардағы № 3 бұйрығы

 «Авиациялық персонал куәліктерін беру және олардың қолданылу мерзімін ұзарту қағидаларын бекіту туралы» Қазақстан Республикасы Көлік және коммуникация министрінің 2013 жылғы 26 қыркүйектегі № 750 бұйрығына өзгерістер мен толықтырулар енгізу туралы
Қазақстан Республикасы Көлік министрінің 2025 жылғы 8 қаңтардағы № 3 бұйрығы

БҰЙЫРАМЫН:

1. «Авиациялық персонал куәліктерін беру және олардың қолданылу мерзімін ұзарту қағидаларын бекіту туралы» Қазақстан Республикасы Көлік және коммуникация министрінің 2013 жылғы 26 қыркүйектегі № 750 бұйрығына (Нормативтік құқықтық актілерді мемлекеттік тіркеу тізілімінде № 8782 болып тіркелген) мынадай өзгерістер мен толықтырулар енгізілсін:

көрсетілген бұйрықпен бекітілген Авиация персонал куәлiктерiн беру және олардың қолданылу мерзімін ұзарту қағидаларында:

10, 11, 12, 13, 14 және 15-тармақтар мынадай редакцияда жазылсын:

«10. Өтініш беруші авиация персоналының куәлігін алу үшін (немесе куәліктің қолданылу мерзімін ұзарту), куәлікті және (немесе) оған қосымшаны ауыстыру, біліктілік және арнайы белгілерді енгізу немесе қолданылу мерзімін ұзарту үшін уәкілетті ұйымға «Азаматтарға арналған үкімет» мемлекеттік корпорациясы» коммерциялық емес акционерлік қоғамы арқылы (бұдан әрі - Мемлекеттік корпорация) немесе www.egov.kz, www.elicense.kz «электрондық үкіметтің» веб-порталы (бұдан әрі - портал) арқылы «Авиация персоналына куәліктерді беру» мемлекеттік қызмет көрсетуге қойылатын негізгі талаптардың тізбесінің (бұдан әрі-мемлекеттік қызмет көрсетуге қойылатын негізгі талаптардың тізбесі) 8-тармағында көзделген құжаттардың тізбесін жолдайды.

Процестің сипаттамаларын, нысанын, мазмұны мен нәтижесін қамтитын мемлекеттік қызмет көрсетуге қойылатын негізгі талаптардың тізбесі, сондай-ақ мемлекеттік қызмет көрсету ерекшеліктерін ескере отырып, өзге де мәліметтер мемлекеттік қызмет көрсетуге қойылатын негізгі талаптардың тізбесінде баяндалған.