(БҰРЫНҒЫ РЕДАКЦИЯ) «ҚАЗАҚСТАН РЕСПУБЛИКАСЫ ӘДІЛЕТ МИНИСТРІНІҢ КЕЙБІР БҰ...

Қазақстан Республикасы Әділет министрінің кейбір бұйрықтарына өзгерістер мен толықтырулар енгізу туралы

Қазақстан Республикасы Әділет министрінің м.а. 2018 жылғы 5 сәуірдегі № 524 бұйрығы

Осы редакция 2019 жылғы 11 сәуірде енгізілген өзгерістеріне дейін қолданылды

БҰЙЫРАМЫН:

1. Қазақстан Республикасы Әдiлет министрiнiң кейбiр бұйрықтарына мынадай өзгерістер мен толықтырулар енгізілсін:

1) «Заңды тұлғаларды мемлекеттiк тiркеу және филиалдар мен өкiлдiктердi есептiк тiркеу жөнiндегi нұсқаулықты бекіту туралы» Қазақстан Республикасы Әдiлет министрiнiң 2007 жылғы 12 сәуiрдегi № 112 бұйрығына (Нормативтiк құқықтық актiлердi мемлекеттiк тiркеу тiзiлiмiнде № 4625 болып тiркелген, Қазақстан Республикасының Орталық атқарушы және өзге де орталық мемлекеттiк органдарының актілер жинағында жарияланған, 2007 ж., наурыз-сәуiр) мынадай өзгерістер мен толықтырулар енгiзiлсiн:

аталған бұйрықпен бекiтiлген Заңды тұлғаларды мемлекеттiк тiркеу және филиалдар мен өкiлдiктердi есептiк тiркеу жөнiндегi нұсқаулықта:

19-тармақтың мынадай редакцияда жазылсын:

«19. Қосылу, біріктіру және өзгерту кезінде тіркеуші органға:

1) Қосылу және өзгерту жағдайда осы Нұсқаулықтың 1, 2, 3, 4- қосымшаларына сәйкес нысандағы өтініші, біріктіру жағдайда осы Нұсқаулықтың 12, 13, 14, 15, 16, 17, 20-қосымшаларына сәйкес белгіленген үлгідегі өтініші;

2) (жеке кәсіпкерлікті субъектілерін қоспағанда) заңды тұлға мүлкі меншік иесінің немесе меншік иесі уәкілеттік берген органның, құрылтайшылардың (қатысушылардың) шешiмi, заңды тұлғаның мөрімен бекітілген, заңды тұлғаның құрылтай құжаттарында уәкiлеттік берiлген органның қайта ұйымдастыру туралы шешiмi немесе Қазақстан Республикасының заңнамалық актілерінде көзделген жағдайларда сот шешiмi;