«Дара кәсіпкерлерге патент беру» мемлекеттік көрсетілетін қызмет регламенті (Қазақстан Республикасы Премьер-Министрінің Орынбасары - Қазақстан Республикасы Қаржы министрінің 2014 жылғы 2 шілдедегі № 298 бұйрығына 8-қосымша) (күші жойылды)

ҚР Қаржы министрінің 2015 жылғы 4 маусымдағы № 348 бұйрығымен күші жойылды

Қазақстан Республикасы

Премьер-Министрінің Орынбасары -

Қазақстан Республикасы

Қаржы министрінің

2014 жылғы 2 шілдедегі

№ 298 бұйрығына

8-қосымша

«Дара кәсіпкерлерге патент беру»

мемлекеттік көрсетілетін қызмет регламенті


1. Жалпы ережелер

1. «Дара кәсіпкерлерге патент беру» мемлекеттік көрсетілетін қызметті (бұдан әрі - мемлекеттік көрсетілетін қызмет) аудандар, қалалардағы аудандар және қалалар, арнайы экономикалық аймақтардың аумақтары бойынша салық басқармалары (бұдан әрі - көрсетілетін қызметті беруші), ақпараттарды қабылдау және өңдеу орталықтары (бұдан әрі - ҚӨО), «электрондық үкімет» веб-порталы (бұдан әрі - ЭҮП) арқылы көрсетеді.

2. Мемлекеттік қызметті көрсету нысаны: электрондық (толық автоматтандырылған) және (немесе) қағаз түрінде.

3. Мемлекеттік қызметті көрсету нәтижесі Патентті салық органының ақпараттық жүйенде қалыптастыру болып табылады.

Мемлекеттік қызметті көрсету нәтижесін беру нысаны: электрондық түрде.

2. Мемлекеттік қызмет көрсету үдерісінде көрсетілетін қызметті
берушінің құрылымдық бөлімшелерінің (қызметкерлерінің)
іс-қимыл тәртібі

4. Мемлекеттік көрсетілетін қызметтің рәсімінің (іс-қимылының) басталуының негіздемесі Қазақстан Республикасы Үкіметінің 2014 жылғы 5 наурыздағы № 200 қаулысымен бекітілген, «Дара кәсіпкерлерге патент беру» мемлекеттік көрсетілетін қызмет стандартының (бұдан әрі - Стандарт) 9-тармағындакөрсетілген құжаттарды көрсетілетін қызмет алушының ұсынуы болып табылады.

5. Мемлекеттік қызметті көрсету үдерісіндегі рәсімдер (іс-қимылдар):

1) құжаттарды қабылдауға жауапты қызметкер қызметті алушыдан Стандарттың 9-тармағында көрсетілген құжаттарды қабылдайды- 1 минут;

патент құны есебінде (бұдан әрі - есеп) көрсетілген деректермен, жеке басын куәландыратын құжаттағы деректерді салыстырады - 2 минут, сондай-ақ: