(БҰРЫНҒЫ РЕДАКЦИЯ) ҚР ӘДІЛЕТ МИНИСТРІНІҢ 2014.30.01 № 34 БҰЙРЫҒЫНА 3...

Осы редакция 2014 жылғы 19 маусымда енгізілген өзгерістеріне дейін қолданылды

Қазақстан Республикасы

Әділет министрінің

2014 жылғы 30 қаңтардағы

№ 34 бұйрығына

3-қосымша

«Жылжымайтын мүлікке тіркелген құқықтар (ауыртпалықтар) және оның

техникалық сипаттамалары туралы анықтамалар беру»

мемлекеттік көрсетілетін қызмет регламенті

1. Жалпы ережелер

1. Осы «Жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтамалар беру» мемлекеттік көрсетілетін қызметін (бұдан әрі - мемлекеттік көрсетілетін қызмет) аумақтық әділет органдары (бұдан әрі - қызметі беруші) Қазақстан Республикасы Көлік және коммуникация министрлігінің Мемлекеттік көрсетілетін қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (бұдан әрі - орталық) арқылы және «электрондық үкіметтің» www.е.gov.kz веб-порталы (бұдан әрі - ЭҮП) арқылы көрсетеді.

Мемлекеттік көрсетілетін қызмет Қазақстан Республикасы Үкіметінің 2013 жылғы 31 желтоқсандағы № 1586 қаулысымен бекітілген «Жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтамалар беру» мемлекеттік көрсетілетін қызмет стандартының негізінде көрсетіледі.

2. Мемлекеттік қызмет көрсету нысаны - электрондық (ішінара автоматтандырылған).

3. Жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтама мемлекеттік қызмет көрсетудің нәтижесі болып табылады.

2. Мемлекеттік қызметті көрсету процесінде көрсетілетін
қызметті берушінің құрылымдық бөлімшелерінің (қызметкерлерінің)
іс-қимылдар тәртібінің сипаттамасы

4. Мемлекеттік көрсетілетін қызмет стандартының 1-қосымшасына сәйкес белгіленген нысандағы сұрау салу көрсетілетін қызметті берушінің мемлекеттік қызметті көрсету бойынша рәсімдеріне (іс-қимылдарына) бастауға негіздеме болып табылады.