«Бекітілген лимиттер негізінде жануарлар дүниесінің объектілерін алып қоюға квоталар бөлу» мемлекеттік көрсетілетін қызмет стандарты (Қазақстан Республикасы Үкіметінің 2014 жылғы 3 маусымдағы № 607 қаулысымен бекітілген) (күші жойылды)

ҚР Үкіметінің 2015 жылғы 29 желтоқсандағы № 1108 Қаулысымен күші жойылды

Қазақстан Республикасы

Үкіметінің

2014 жылғы 3 маусымдағы

№ 607 қаулысымен

бекітілген

«Бекітілген лимиттер негізінде жануарлар дүниесінің объектілерін алып қоюға квоталар бөлу»

мемлекеттік көрсетілетін қызмет стандарты

«Бекітілген лимиттер негізінде жануарлар дүниесінің объектілерін алып қоюға квоталар бөлу» мемлекеттік көрсетілетін қызмет регламентін қараңыз

1. Жалпы ережелер

1. «Бекітілген лимиттер негізінде жануарлар дүниесінің объектілерін алып қоюға квоталар бөлу» мемлекеттік көрсетілетін қызметі (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Қоршаған орта және су ресурстары министрлігі (бұдан әрі - Министрлік) әзірледі.

3. Мемлекеттік қызметті:

1) аң аулау объектілері болып табылатын жануарлар түрлерін алып қоюға квоталар бөлу кезінде - Орман және аңшылық шаруашылығы комитетінің аумақтық инспекциялары;

2) балық ресурстарын және басқа да су жануарларын алып қоюға квоталар бөлу кезінде - Балық шаруашылығы комитетінің аумақтық инспекциялары (бұдан әрі - көрсетілетін қызметті берушілер) көрсетеді.

Өтініштерді қабылдау және мемлекеттік қызмет көрсету нәтижелерін беру көрсетілетін қызметті берушінің кеңсесі арқылы жүзеге асырылады.

2. Мемлекеттік қызметті көрсету тәртібі

4. Мемлекеттік қызметті көрсету мерзімдері:

1) көрсетілетін қызметті берушіге құжаттар топтамасын тапсырған кезде:

аң аулау объектілері болып табылатын жануарлар түрлерін алып қоюға квоталар бөлу - Қазақстан Республикасының Үкіметі аң аулау объектілері болып табылатын жануарлар дүниесінің объектілерін алып қою лимиттерін бекіткеннен кейін күнтізбелік 10 (он) күн ішінде;

балық ресурстарын және басқа да су жануарларын алып қоюға квоталар бөлу - Қазақстан Республикасының Үкіметі балық ресурстарын және басқа да су жануарларын алып қою лимиттерін бекіткеннен кейін күнтізбелік 21 (жиырма бір) күн ішінде;

2) құжаттар топтамасын тапсыру үшін күтудің рұқсат етілген ең ұзақ уақыты - 30 минут;