Қазақстан Республикасы Ішкі істер министрлігі Тыл департаменті туралы ереже (Қазақстан Республикасы Ішкі істер министрінің 2011 жылғы 27 қазандағы № 565 бұйрығына 14-қосымша) (күші жойылды)

ҚР Ішкі істер министрінің 2014.29.07. № 477 бұйрығымен күші жойылды

Қазақстан Республикасы

Ішкі істер министрінің

2011 жылғы 27 қазандағы

№ 565 бұйрығымен бекітілген

№ 14 қосымша

Қазақстан Республикасы Ішкі істер министрлігі Тыл департаменті туралы
ереже


1. Жалпы ережелер

1. Қазақстан Республикасы Ішкі істер министрлігі Тыл департаменті (бұдан әрі-Департамент) Қазақстан Республикасының заңнамаcына сәйкес ішкі істер органдары (бұдан әрі - ІІО) бөліністерін материалдық-техникалық және әскери жабдықтауды, шаруашылық және тұрмыстық қамтамасыз етуді, күрделі құрылысты және ғимараттарды, жабдықтау және автомобиль техникасын жөндеу-пайдалану қызметін көрсетуді, бекітілген контингентті медициналық қамтамасыз етуді ұйымдастыруды жүзеге асыратын Қазақстан Республикасы Ішкі істер министрлігінің (бұдан әрі-ІІМ) құрылымдық бөлінісі болып саналады.

2. Департамент өз қызметінде Қазақстан Республикасының Конституциясын, заңдарын, Қазақстан Республикасының Президенті мен Үкіметінің актілерін, басқа да нормативтік құқықтық актілерді, сондай-ақ осы Ережені басшылыққа алады.

3. Департаменттің құрылымы мен штаттық санын Қазақстан Республикасының Ішкі істер министрі (бұдан әрі - Министр) бекітеді.

4. Тыл департаменті:

1) Басшылықтан;

2) Әскери және арнайы жабдықтау басқармасынан;

3) Мемлекеттік сатып алу және мониторинг басқармасынан;

4) Күрделі құрылыс басқармасынан;

5) Медициналық басқармадан;

6) Кеңседен тұрады.

2. Тыл департаментінің міндеттері, функциялары, құқығы мен міндеттемелері

5. Міндеті: ІІМ-нің орталық аппаратын және аумақтық ІІО-ның материалдық-техникалық құралдармен қамтамасыз етуді ұйымдастыру.

Функциялары:

1) қару-жарақ, оқ-дәрілер, әскери және арнайы техника, жеке қорғану және белсенді қорғаныс құралдарын, заттай мүліктер мен жарақ, басқа да ІІО қажеттілігіне арналған материалдық ресурстар жеткізу саласындағы мемлекеттік саясатты іске асыруға қатысады;

2) тиесілік нормаларына сәйкес ІІО бөліністерін материалдық-техникалық ресурстарды қамтамасыз ету жөніндегі негізгі бағыттарды әзірлейді;