Қазақстан Республикасы Ішкі істер министрлігінің штабы туралы ереже (Қазақстан Республикасы Ішкі істер министрінің 2011 жылғы 27 қазандағы № 565 бұйрығына 9-қосымша) (2014.04.05. берілген толықтырулармен) (күші жойылды)

ҚР Ішкі істер министрінің 2014.29.07. № 477 бұйрығымен күші жойылды

Қазақстан Республикасы

Ішкі істер министрінің

2011 жылғы 27 қазандағы

№ 565 бұйрығымен бекітілген

№ 9 қосымша

Қазақстан Республикасы Ішкі істер министрлігінің штабы туралы
 ереже
(2014.04.05. берілген толықтырулармен)

1. Жалпы ережелер

1. Штаб (департамент) ішкі істер органдарының қызметін салааралық жедел басқаруын қамтамасыз ететін және жүзеге асыратын Қазақстан Республикасы Ішкі істер министрлігінің (бұдан әрі - ІІМ) құрылымдық бөлінісі болып табылады.

2. Штаб өз қызметінде Қазақстан Республикасының Конституциясын, заңдарын және Қазақстан Республикасының Президенті мен Үкіметінің актілерін, Қазақстан Республикасының халықаралық келісімдерін, өзге де нормативтік құқықтық актілерін, сондай-ақ осы Ережені басшылыққа алады.

3. Штабтың құрылымын, штаттық санын Қазақстан Республикасы заңнамасымен белгіленген тәртіпте Ішкі істер министрі бекітеді.

4. Штаб:

1) басшылықтан;

2) Ұйымдастырушылық-талдау жұмысы басқармасынан;

3) Жоспарлау және бақылау басқармасынан;

4) Халықаралық ынтымақтастық басқармасынан;

5) аймақтық бақылау және инспекциялау тобынан;

6) кеңседен тұрады.

2. Штабтың негізгі міндеттері, функциялары, құқықтары және міндеттері

5. Міндеті: Ішкі істер министрінің қызметін ақпараттық-талдаумен қамтамасыз ету.

Функциялары:

1) елдегі жедел жағдайдың жай-күйі, ішкі істер органдары жұмысының нәтижелері туралы ақпараттық-анықтамалық материалдарды, құқықтық тәртіпті қамтамасыз етуде кездесетін проблемаларды жою бойынша ұсыныстарды дайындайды;

2) Қазақстан Республикасы Президенті Әкімшілігінде, Қауіпсіздік Кеңесінде, Үкіметте, Конституциялық Кеңесте, Үйлестіру Кеңесінде және басқа да жоғары тұрған және консультациялық-кеңесші органдарда заңдылықты, құқықтық тәртіпті қамтамасыз ету және қылмысқа қарсы күрес бойынша болатын отырыстарға (кеңестерге) ақпараттық-талдау материалдарын, баяндама мен сөз сөйлеу тезистерін әзірлеуді қамтамасыз етеді.