«Тауар биржалары қызметімен айналысу құқығына лицензия беру, лицензияны қайта ресімдеу» мемлекеттік көрсетілетін қызмет стандарты (Қазақстан Республикасы Үкіметінің 2014 жылғы 25 ақпандағы № 149 қаулысымен бекітілген) (күші жойылды)

ҚР Үкіметінің 2015 жылғы 28 тамыздағы № 667 Қаулысымен күші жойылды

Қазақстан Республикасы

Үкіметінің

2014 жылғы 25 ақпандағы

№ 149 қаулысымен

бекітілген

«Тауар биржалары қызметімен айналысу құқығына лицензия беру, лицензияны қайта ресімдеу»
мемлекеттік көрсетілетін қызмет стандарты

«Тауар биржалары қызметімен айналысу құқығына лицензия беру, қайта рәсімдеу, лицензия төлнұсқасын беру» мемлекеттік қызметінің регламентін қараңыз

1. Жалпы ережелер

1. «Тауар биржалары қызметімен айналысу құқығына лицензия беру, лицензияны қайта ресімдеу» мемлекеттік көрсетілетін қызметі (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Экономика және бюджеттік жоспарлау министрлігі (бұдан әрі - Министрлік) әзірледі.

3. Мемлекеттік қызметті Министрліктің Сауда комитеті (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік көрсетілетін қызмет нәтижелерін беру:

1) Қазақстан Республикасы Көлік және коммуникация министрлігінің Мемлекеттік қызметті автоматтандыруды бақылау және халыққа қызмет көрсету орталықтарының қызметін үйлестіру комитетінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (бұдан әрі - ХҚО);

2) www.e.gov.kz  «электрондық үкімет» веб-порталы (бұдан әрі - портал) арқылы жүзеге асырылады.

2. Мемлекеттік қызметті көрсету тәртібі

4. Мемлекеттік қызметті көрсету мерзімдері:

1) ХҚО-ға жүгінген кезде - 15 (он бес) жұмыс күні ішінде (құжаттар қабылданған күн мемлекеттік қызметтерді көрсету мерзіміне кірмейді, бұл ретте көрсетілетін қызметті беруші мемлекеттік қызметті көрсету нәтижесін ХҚО-ға мемлекеттік қызметті көрсету мерзімі аяқталғанға дейін бір күн бұрын береді);

қажет құжаттарды тапсыру кезінде кезек күтудің рұқсат етілген ең ұзақ уақыты - 20 (жиырма) минуттан аспайды;

көрсетілетін қызметті алушыға қызмет көрсетудің рұқсат етілген ең ұзақ уақыты - 20 (жиырма) минуттан аспайды;