«Мемлекеттік органдардың мәліметтерді Қазақстан Республикасының мемлекеттік құпияларына жатқызу жөніндегі өкілеттіктер берілген лауазымды тұлғаларының тізбесін бекіту туралы» Қазақстан Республикасы Президентінің 2000 жылғы 13 сәуірдегі № 371 Жарлығына өзгерістер енгізу туралы» Қазақстан Республикасы Президентінің 2014 жылғы 14 қаңтардағы № 726 Жарлығы

Қазақстан Республикасы Президентінің
Жарлығы

«Мемлекеттік органдардың мәліметтерді Қазақстан Республикасының мемлекеттік құпияларына жатқызу жөніндегі өкілеттіктер берілген лауазымды тұлғаларының тізбесін бекіту туралы» Қазақстан Республикасы Президентінің 2000 жылғы 13 сәуірдегі № 371 Жарлығына өзгерістер енгізу туралы

ҚАУЛЫ ЕТЕМІН:

1. «Мемлекеттік органдардың мәліметтерді Қазақстан Республикасының мемлекеттік құпияларына жатқызу жөніндегі өкілеттіктер берілген лауазымды тұлғаларының тізбесін бекіту туралы» Қазақстан Республикасы Президентінің 2000 жылғы 13 сәуірдегі № 371 Жарлығына (Қазақстан Республикасының ПҮАЖ-ы, 2000 ж., № 18, 186-құжат; 2004 ж., № 21, 263-құжат; 2005 ж., № 32, 426-құжат; 2009 ж., № 24-25, 207-құжат; 2010 ж., № 49, 439-құжат; 2012 ж. № 33, 419-құжат; 2013 ж., № 79, 1151-құжат) мынадай өзгерістер енгізілсін:

жоғарыда аталған Жарлықпен бекітілген Мемлекеттік органдардың мәліметтерді Қазақстан Республикасының мемлекеттік құпияларына жатқызу жөніндегі өкілеттік берілген лауазымды тұлғаларының тізбесінде:

«Әскери саладағы мәліметтер» деген 1-бөлімде:

кестенің 1-бағанында:

бесінші абзацтағы «Экономикалық даму және сауда министрі» деген сөздер «Экономика және бюджеттік жоспарлау министрі» деген сөздермен ауыстырылсын;

алтыншы, жетінші абзацтар мынадай редакцияда жазылсын:

«Қорғаныс министрі, Ішкі істер министрі, Экономика және бюджеттік жоспарлау министрі, Білім және ғылым министрі, Қоршаған орта және су ресурстары министрі, Ұлттық қауіпсіздік комитетінің төрағасы, Төтенше жағдайлар министрі, Президенттің Күзет қызметінің бастығы, Республикалық ұланның қолбасшысы, «Сырбар» Сыртқы барлау қызметінің директоры»;

«Қорғаныс министрі, Ішкі істер министрі, Көлік және коммуникация министрі, Білім және ғылым министрі, Экономика және бюджеттік жоспарлау министрі, Индустрия және жаңа технологиялар министрі, Қоршаған орта және су ресурстары министрі, Ұлттық қауіпсіздік комитетінің төрағасы, Төтенше жағдайлар министрі, Президенттің Күзет қызметінің бастығы, Республикалық ұланның қолбасшысы, «Сырбар» Сыртқы барлау қызметінің директоры»;