(БҰРЫНҒЫ РЕДАКЦИЯ) ҚР ҮКІМЕТІНІҢ 2004 Ж. 23 МАУСЫМДАҒЫ № 692 ҚАУЛЫСЫ

Қазақстан Республикасының Көлiк және коммуникациялар министрлігі Автомобиль жолдары және инфрақұрылымдық кешен құрылысы комитетiнiң шаруашылық жүргiзу құқығындағы «Қазақавтожол» республикалық мемлекеттік кәсiпорнын қайта ұйымдастыру туралы
Қазақстан Республикасы Үкіметінің 2004 жылғы 23 маусымдағы № 692 қаулысы

Осы редакция 2013 жылғы 5 тамызда енгізілген өзгерістеріне дейін қолданылды

Қазақстан Республикасының Үкіметі қаулы етеді:

1. Қазақстан Республикасының Көлiк және коммуникациялар министрлігі Автомобиль жолдары және инфрақұрылымдық кешен құрылысы комитетiнiң шаруашылық жүргiзу құқығындағы «Қазақавтожол» республикалық мемлекеттік кәсiпорны оның құрамынан шаруашылық жүргiзу құқығындағы «Қазақжолқұрылыс» республикалық мемлекеттік кәсiпорнын (бұдан әрi Кәсiпорын) бөлу жолымен қайта ұйымдастырылсын.

2. Қазақстан Республикасы Көлiк және коммуникациялар министрлігінiң Автомобиль жолдары және инфрақұрылымдық кешен құрылысы комитетi Кәсiпорынның мемлекеттік басқару органы болып белгiленсiн.

3. Кәсiпорын қызметiнiң негiзгi мәнi мемлекеттік автомобиль жолдары торабын және басқа инфрақұрылым объектiлерiн дамыту, атап айтқанда: құрылыс, қайта жаңарту, күрделi және iшiнара жөндеу болып белгiленсiн.