(БҰРЫНҒЫ РЕДАКЦИЯ) ҚР ҮКІМЕТІНІҢ 2003 Ж. 30 МАУСЫМСДАҒЫ № 629 ҚАУЛЫСЫ

Қазақстан Республикасы Туризм және спорт жөніндегі агенттiгiнiң кейбір республикалық мемлекеттік қазыналық кәсiпорындарының мәселелерi
Қазақстан Республикасы Үкіметінің 2003 жылғы 30 маусымдағы № 629 қаулысы

(2004.29.10. берілген өзгерістермен)

Осы редакция 2013 жылғы 5 тамызда енгізілген өзгерістеріне дейін қолданылды

Қазақстан Республикасының Yкіметі қаулы етеді:

1. Мыналар:

1) «Қазақстан Республикасы Туризм және спорт жөніндегі агенттiгiнiң «Спорттың бұқаралық түрлерiнiң республикалық жоғары спорттық шеберлiк мектебi» республикалық мемлекеттік қазыналық кәсiпорны мен «Қазақстан Республикасы Туризм және спорт жөніндегі агенттiгiнiң Спорттың ойын және қысқы түрлерi бойынша республикалық жоғары спорттық шеберлiк мектебі» республикалық мемлекеттік қазыналық кәсіпорны «Қазақстан Республикасының Туризм және спорт жөніндегі агенттiгiнiң Спорттың бұқаралық және қысқы түрлерi бойынша республикалық жоғары спорттық шеберлiк мектебi» республикалық мемлекеттік қазыналық кәсiпорнына қосу жолымен;

2) «Қазақстан Республикасы Туризм және спорт жөніндегі агенттiгiнiң Спорттың қолданбалы түрлерi бойынша республикалық жоғары спорттық шеберлiк мектебi» республикалық мемлекеттік қазыналық кәсiпорны мен «Қазақстан Республикасы Туризм және спорт жөніндегі агенттiгiнiң Су спортының түрлерi бойынша олимпиадалық резервтiң республикалық мамандандырылған балалар және жасөспiрiмдер мектебi» республикалық мемлекеттік қазыналық кәсiпорны «Қазақстан Республикасы Туризм және спорт жөнiндегі агенттiгiнiң Су спортының және спорттың қолданбалы түрлерi бойынша республикалық жоғары спорттық шеберлiк мектебi» республикалық мемлекеттік қазыналық кәсiпорнына қосу жолымен қайта ұйымдастырылсын.

2. Қазақстан Республикасының Туризм және спорт жөніндегі агенттiгi құрылатын республикалық мемлекеттік қазыналық кәсiпорындардың мемлекеттік басқару органы болып белгіленсiн.