«Биологиялық белсенді заттарға клиникаға дейінгі (клиникалық емес) зерттеулер жүргізуге рұқсат беру» мемлекеттік қызмет стандарты (Қазақстан Республикасы Үкіметінің 2012 жылғы 8 қазандағы № 1262 қаулысымен бекітілген) (күші жойылды)

ҚР Үкіметінің 2014 жылғы 24 ақпандағы № 142 Қаулысымен күші жойылды

Қазақстан Республикасы

Үкіметінің

2012 жылғы 8 қазандағы

№ 1262 қаулысымен

бекітілген

«Биологиялық белсенді заттарға клиникаға дейінгі (клиникалық емес) зерттеулер жүргізуге рұқсат беру»
мемлекеттік қызмет стандарты

1. Жалпы ережелер

«Биологиялық белсенді заттарға клиникаға дейінгі (клиникалық емес) зерттеулер жүргізуге рұқсат беру» мемлекеттік қызмет регламентін қараңыз

1. Мемлекеттік қызметті (бұдан әрі - мемлекеттік қызмет) «Медициналық және фармацевтикалық қызметті бақылау комитетінің Алматы қаласы бойынша департаменті» мемлекеттік мекемесі (бұдан әрі - департамент) Алматы қаласы, Мәметова көшесі 3, телефон 8 (727 2) 71-32-89 мекенжайы бойынша, Қазақстан Республикасы Денсаулық сақтау министрлігінің Медициналық және фармацевтикалық қызметті бақылау комитеті (бұдан әрі - Комитет) Астана қаласы, Орынбор көшесі 8-үй, 5-кіреберіс, телефон 8 (727 2) 74-32-79 мекенжайы бойынша, Қазақстан Республикасы Денсаулық сақтау министрлігінің «Дәрілік заттарды, медициналық мақсаттағы бұйымдарды және медициналық техниканы сараптау ұлттық орталығы» шаруашылық жүргізу құқығындағы республикалық мемлекеттік кәсіпорны (бұдан әрі - сараптау ұйымы): Алматы қаласы, Абылайхан даңғылы, 63, тел. 8 (727 2) 73-16-72 мекенжайы бойынша көрсетеді.

2. Көрсетілетін мемлекеттік қызмет нысаны: автоматтандырылмаған.

3. Мемлекеттік қызмет «Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі Кодексінің 72-бабының, «Биологиялық белсенді заттарға клиникалыққа (клиникалық емес) дейінгі зерттеу ережесін бекіту туралы» Қазақстан Республикасы Денсаулық сақтау министрінің 2009 жылғы 19 қарашадағы № 745 бұйрығының негізінде көрсетіледі.