(БҰРЫНҒЫ РЕДАКЦИЯ) ҚР ҮКІМЕТІНІҢ 2009.29.12 № 2223 ҚАУЛЫСЫМЕН БЕКІТІЛГЕН

Қазақстан Республикасы Үкіметінің

 2009 жылғы 29 желтоқсандағы

№ 2223 қаулысымен бекітілген

Осы редакция 2011 жылғы 22 шілдеде енгізілген өзгерістеріне дейін қолданылды

«Запастағы сарбаздарды, сержанттарды әскери есепке алу және одан шығару»
мемлекеттік қызмет көрсету стандарты

1. Жалпы ережелер

1. Осы «Запастағы сарбаздарды, сержанттарды әскери есепке алу және одан шығару» стандарты (бұдан әрі - Стандарт) әскерге шақырылатын және жұмылдырылатын адам ресурстарының сандық және сапалық құрамын айқындау мақсатында елдің қорғанысы мен мемлекет қауіпсіздігін қамтамасыз ету үшін оларды тиімді пайдалану мақсатында, запастағы сарбаздарды, сержанттарды әскери есепке алу және одан шығару тәртібін белгілейді.

Уақытша шетелде тұратын Қазақстан Республикасының азаматтарын әскери есепке олар Қазақстан Республикасына тұрақты тұрғылықты жерге келген соң жүзеге асырылады.

2. Көрсетілетін мемлекеттік қызмет нысаны: автоматтандырылмаған.

3. Мемлекеттік көрсетілетін қызмет «Әскери міндеттілік және әскери қызмет туралы» Қазақстан Республикасының 2005 жылғы 8 шілдедегі Заңының 16-бабы, Қазақстан Республикасы Үкіметінің 2006 жылғы 5 мамырдағы № 371 қаулысымен бекітілген Қазақстан Республикасында әскери міндеттілерді және әскерге шақырылушыларды әскери есепке алуды жүргізу тәртібі туралы ереженің 34 - 71-тармақтары, Қазақстан Республикасы Үкіметінің 2005 жылғы 12 желтоқсандағы № 1232 (ҚБПҮ) қаулысымен бекітілген Қазақстан Республикасының жергілікті әскери басқару органдары туралы ереженің 19-тармағының 19) тармақшасы, «Жеке заңды тұлғаларға көрсетілетін мемлекеттік қызметтердің тізілімін бекіту туралы» Қазақстан Республикасы Үкіметінің 2007 жылғы 30 маусымдағы № 561 қаулысы және «Қазақстан Республикасы Әділет министрлігінің мемлекеттік мекемелерін - халыққа қызмет көрсету орталықтарын құру туралы» Қазақстан Республикасы Үкіметінің 2007 жылғы 5 қаңтардағы № 1 қаулысы негізінде жүзеге асырылады.