(БҰРЫНҒЫ РЕДАКЦИЯ) ҚР ҮКІМЕТІНІҢ 2001 Ж. 7 ТАМЫЗДАҒЫ № 1039 ҚАУЛЫСЫ

Әскери мүліктің жекелеген мәселелері
Қазақстан Республикасы Үкіметінің 2001 жылғы 7 тамыздағы № 1039 қаулысы

(2008.16.07. берілген өзгерістермен)

Осы редакция 2009 жылғы 24 қарашада енгізілген өзгерістеріне дейін қолданылды

ҚР Үкіметінің 2008.16.07. № 687 Қаулысымен тақырыбы мен кіріспесі өзгертілді (бұр. ред. қара)

Қазақстан Республикасының Үкіметі қаулы етеді:

ҚР Үкіметінің 2008.16.07. № 687 Қаулысымен 1-тармақ өзгертілді (бұр. ред. қара)

1. Қазақстан Республикасының Қорғаныс министрлігі Қазақстан Республикасының Қарулы Күштерінде, басқа да әскерлері мен әскери құралымдарында қару-жарақтан басқа, пайдаланылмайтын әскери мүлікке билік ету құқығы берілген уәкілетті орган болып айқындалсын.

2. Қазақстан Республикасының Үкіметі жанындағы Әскери-техникалық комиссия Қазақстан Республикасы Қорғаныс министрлігінің жанындағы Әскери-техникалық комиссияға (бұдан әрі - Комиссия) функциялары мен өкілеттіктері беріліп, таратылсын.

3. Қазақстан Республикасының Қорғаныс министрлігі Қазақстан Республикасының басқа да әскерлері мен әскери құралымдары өкілдерінің Комиссия жұмысына қатысуын қамтамасыз етсін.

4. Комиссия Қарулы Күштерде, басқа да әскерлер мен әскери құралымдарда босаған екі ұдай мақсаттағы қару-жарақты, әскери техника мен өнімдерді сату мәселелері жөніндегі ұсыныстарын, шешім қабылдау үшін, Қазақстан Республикасы Қауіпсіздік Кеңесінің Екі ұдай мақсаттағы қару-жарақты, әскери техника мен өнімдерді сату мәселелері жөніндегі ведомствоаралық комиссиясына тапсырады деп белгіленсін.

ҚР Үкіметінің 2008.16.07. № 687 Қаулысымен 5-тармақ өзгертілді (бұр. ред. қара)