«Қазақстан Республикасы Президентінің 2004 жылғы 11 маусымдағы № 1388 Жарлығына өзгерістер мен толықтырулар енгізу туралы» Қазақстан Республикасы Президентінің 2006 жылғы 24 шілдедегі № 150 Жарлығы (күші жойылды)

Қазақстан Республикасы Президентінің
Жарлығы
 
Қазақстан Республикасы Президентінің 2004 жылғы 11 маусымдағы
№ 1388 Жарлығына өзгерістер мен толықтырулар енгізу туралы

ҚР Президентінің 2009 жылғы 18 маусымдағы № 829 Жарлығымен күші жойылды

«Қазақстан Республикасының Президенті туралы» Қазақстан Республикасының 1995 жылғы 26 желтоқсандағы Конституциялық заңының 20-бабына сәйкес ҚАУЛЫ ЕТЕМІН:

1. «Қазақстан Республикасында тұрғын үй құрылысын дамытудың 2005 - 2007 жылдарға арналған мемлекеттік бағдарламасы туралы» Қазақстан Республикасы Президентінің 2004 жылғы 11 маусымдағы № 1388 Жарлығына (Қазақстан Республикасының ПYАЖ-ы, 2004 ж., № 26, 329-құжат) мынадай өзгерістер мен толықтырулар енгізілсін:

жоғарыда аталған Жарлықпен бекітілген Қазақстан Республикасында тұрғын үй құрылысын дамытудың 2005 - 2007 жылдарға арналған мемлекеттік бағдарламасында:

3-бөлімде:

3.6-шағын бөлімде тоғызыншы және оныншы абзацтар алып тасталсын;

мынадай мазмұндағы 3.6.1-тараумен толықтырылсын:

«3.6.1. Ипотекалық кредиттерге кепілдік беру және сақтандыру жүйесі.

Ипотекалық кредит беруді серпінді дамытуда ипотекалық кредиттерге кепілдік беру және сақтандыру жүйесі айтарлықтай рөл атқарады. Ипотекалық кредиттерге кепілдік беру және сақтандыру жүйесі екінші деңгейдегі банктер мен ипотекалық кредиттерге кепілдік беруді және сақтандыруды жүзеге асыратын ұйымдар арасындағы кредит бойынша кредиттік тәуекелдерді бөлу жолымен ипотекалық кредиттерге қолжетімділікті арттыру үшін қолайлы жағдайлар жасауға бағытталған.

Осыған байланысты 2003 жылы Қазақстандық ипотекалық кредиттерге кепілдік беру қоры (бұдан әрі - ҚИКБҚ) құрылды. Ипотекалық кредиттерге кепілдік беру және оларды сақтандыру жүйесін құру Қазақстанға ипотекалық кредиттер нарығын оңтайландыруға және кеңейтуге мүмкіндік береді. Ипотекалық кредиттерге кепілдік беру және сақтандыру жүйесі бүкіл кредиттің мерзімі ішінде кредиттік тәуекелдердің 100%-ға дейін ҚИКБҚ-ның жабылуын болжайды.»;

5-бөлімде:

2-тармақ мынадай мазмұндағы абзацпен толықтырылсын: