(БҰРЫНҒЫ РЕДАКЦИЯ) ҚР ҮКІМЕТІНІҢ 2005.19.08. № 858 ҚАУЛЫСЫ

«Тоқыма өнеркәсiбi» пилоттық кластерiн дамытудың кейбір мәселелерi туралы
Қазақстан Республикасы Үкіметінің 2005 жылғы 19 тамыздағы № 858 Қаулысы

Осы редакция 2005 ж. 25 тамыздағы енгізілген өзгерістеріне дейін қолданылды

Қазақстанда өндiрiлетiн мақта талшығының бәсекеге қабiлеттiлiгiн арттыру, ауыл шаруашылығы тауар өндiрушiлерiнiң мақта өсiру жөніндегі тиiмдi қызметiн ұйымдастыру, Қазақстанда өндiрiлетiн мақта талшығының сапасын арттыру, мақта шикiзатына тұрақты баға белгiлеудi қамтамасыз ету, мақта-тоқыма кластерiнiң қызметiн қамтамасыз ететiн тиiмдi көлiк жүйесiн құру мақсатында Қазақстан Республикасының ?кіметi ҚАУЛЫ ЕТЕДI:

1. Қазақстан Республикасы Экономика және бюджеттік жоспарлау министрлігі белгiленген тәртiппен 2005 жылы "Маркетингтiк-талдамалық зерттеулер орталығы" акционерлік қоғамының Қазақстан Республикасында өндiрiлетiн мақта талшығы сапасының халықаралық стандарттарын әзiрлеу және енгізу жөнiнде зерттеулер жүргiзуiн қамтамасыз етсiн.

2. Қазақстан Республикасы Ауыл шаруашылығы, Индустрия және сауда министрлiктерi мақта талшығы сапасының халықаралық стандарттарын енгізу мақсатында:

1) 2005 жылғы 1 қарашаға дейiнгi мерзiмде Қазақстанда өндiрiлетiн мақта талшығының сапасына мiндеттi сараптаманың, сондай-ақ мақта зауыттарына мақта шикiзатын өткізу кезiнде мақта шикiзатының сапасына ерiктi, тәуелсiз сараптаманың жүргiзiлуiн көздейтiн нормативтiк құқықтық кесiмдердiң тиiстi жобаларын әзiрлесiн;