(БҰРЫНҒЫ РЕДАКЦИЯ)

Қазақстан Республикасы астанасының мәртебесі туралы

Қазақстан Республикасының 1998 ж. 20 мамырдағы N 230 Заңы

(ҚР 10.07.01 ж. N 227-II; 10.07.01 ж. N 228-II;

21.03.02 ж. N 312-II; 29.12.03 ж. N 512-11 Заңдарымен енгізілген өзгерістермен)

Осы редакция 2004 ж. 20 желтоқсандағы енгізілген өзгерістеріне дейін қолданылды

Осы Заң Қазақстан Республикасы астанасының құқықтық мәртебесін, жұмыс істеуінің ұйымдық-саяси және экономикалық негіздерін айқындайды.

1-бап. Қазақстан Республикасының астанасы

1. Қазақстан Республикасының астанасы Астана қаласы болып табылады.

2. Қазақстан Республикасының астанасы - мемлекеттің әкімшілік-саяси орталығы, Қазақстан Республикасы Президентінің, Парламентінің, Үкіметінің, Конституциялық Кеңесінің, Жоғарғы Сотының, Бас Прокуратурасының және орталық атқарушы органдарының орналасқан жері.

3. Жекелеген орталық атқарушы органдар Қазақстан Республикасының заңдарына сәйкес Қазақстан Республикасы астанасынан тыс жерлерде орналасуы мүмкін.

4. Қазақстан Республикасының Мемлекеттік туы мен Мемлекеттік елтаңбасының эталондары және Қазақстан Республикасы Конституциясы мәтінінің түпнұсқасы Қазақстан Республикасы Президентінің мемлекет астанасындағы Резиденциясында сақталады.

2-бап. Қазақстан Республикасы астанасының мәртебесін құқықтық реттеу

Қазақстан Республикасы астанасының мәртебесін құқықтық реттеу және оның жұмыс істеуі Қазақстан Республикасы Конституциясының, осы Заң мен өзге де нормативтік құқықтық актілерінің негізінде жүзеге асырылады.

ҚР 10.07.01 ж. N 227-II; 10.07.01 ж. N 228-II; 21.03.02 N 312-II Заңдарына сәйкес 3-бап толықтырылды

3-бап. Қазақстан Республикасы астанасының жергілікті өкілді және атқарушы органдарының өкілеттіктері