«Қазақстан Республикасының орталық атқарушы органдарының құрылымын жетiлдiру туралы» Қазақстан Республикасы Президентiнiң 1995 жылғы 19 қазандағы № 2541 Жарлығы

Қазақстан Республикасының орталық атқарушы органдарының құрылымынжетiлдiру туралы
Қазақстан Республикасы Президентінің1995 жылғы 19 қазандағы № 2541 Жарлығы

Қазақстан Республикасының орталық атқарушы органдарының жүйесiн Қазақстан Республикасының Конституциясына сәйкес келтiру, оның құрылымын жетiлдiрiп, қызметiнiң тиiмдiлiгiн арттыру мақсатында ҚАУЛЫ ЕТЕМIН:

1. Мыналар таратылсын:

1) Қазақстан Республикасының Мемлекеттік қаржы бақылау комитетi;

2) Қазақстан Республикасының Төтенше жағдайлар жөніндегі мемлекеттік комиссиясы;

3) Қазақстан Республикасының Министрлер Кабинетi жанындағы Қорғаныс өнеркәсiбi жөніндегі комитет;

4) Қазақстан Республикасының білім министрлігі жанындағы Кәсiптiк-техникалық білім беру жөніндегі комитет;

5) Қазақстан Республикасының Мемлекеттік мүлiктi басқару жөніндегі мемлекеттік комитетi жанындағы Лизинг жөніндегі департамент;

6) Қазақстан Республикасының Азаматтық қорғаныс штабы.

2. Мыналар құрылсын:

1) Қазақстан Республикасының Төтенше жағдайлар жөніндегі мемлекеттік комитетi, оған таратылып отырған Қазақстан Республикасының Төтенше жағдайлар жөніндегі мемлекеттік комиссиясының және Қазақстан Республикасының Азаматтық қорғаныс штабының мүлкi мен iстерiн басқару өкiлеттiгi берiлсiн;

2) Қазақстан Республикасының Қаржы министрлігі жанындағы Қаржы-валюталық бақылау комитетi, оған таратылып отырған Қазақстан Республикасының Мемлекеттік қаржы бақылау комитетiнiң мүлкi мен iстерiн басқару өкiлеттiгi берiлсiн;

3) Қазақстан Республикасының Қаржы министрлігі жанындағы Қазынашылық, оның қарауына Қазақстан Республикасының Ұлттық банкінің есеп айырысу-кассалық орталықтары берiлсiн.

3. Мыналар:

1) Қазақстан Республикасының Министрлер Кабинетi жанындағы Кеден комитетi Қазақстан Республикасының Кеден комитетi;

2) Қазақстан Республикасының Министрлер Кабинетi жанындағы Ұлттық патент ведомствосы Қазақстан Республикасының Ұлттық патент ведомствосы;