(БҰРЫНҒЫ РЕДАКЦИЯ) ТУРАЛЫ ҚР ПРЕЗИДЕНТІНІҢ 2003 Ж. 21 СӘУІРДЕГІ № 10...

Қазақстан Республикасы Президентінің мемлекеттік қызмет мәселелерi жөніндегі кейбір жарлықтарына өзгерістер мен толықтырулар енгізу
туралы Қазақстан Республикасы Президентінің 2003 ж. 21 сәуірдегі № 1071 Жарлығы

(2014.29.08. берілген өзгерістермен)

Осы редакция 2015 жылғы 29 желтоқсанда енгізілген өзгерістеріне дейін қолданылды

Қаулы етемін:

1. Қазақстан Республикасы Президентінің мынадай жарлықтарына өзгерістер мен толықтырулар енгiзiлсiн:

1) ҚР Президентінің 2014.29.08. № 900 Жарлығымен күші жойылды (бұр.ред.қара)

2) «Мемлекеттік әкiмшiлiк қызметшiлердi аттестациядан өткізу ережелерiн бекіту туралы» Қазақстан Республикасы Президентінің 2000 жылғы 21 қаңтардағы № 327 Жарлығына (Қазақстан Республикасының ПҮАЖ-ы, 2000 ж., № 1, 1-құжат; 2001 ж., № 18, 222-құжат):

жоғарыда аталған Жарлықпен бекітілген Мемлекеттік әкiмшiлiк қызметшiлердi аттестациядан өткізу ережелерiнде:

мынадай мазмұндағы 5-1-тармақпен толықтырылсын:

«5-1 Аттестация өзiне бiрқатар дәйектi кезеңдi қамтиды:

1) аттестация өткізуге дайындық;

2) мемлекеттік қызмет icтеpi жөніндегі уәкiлеттi орган белгiлеген тәртiппен аттестациялануға тиiс қызметшiнiң сынақтан өтуi;

3) аттестация комиссиясының қызметшiмен әңгіме жүргiзуi;

4) аттестация комиссиясының шешiм шығаруы.»;

6-тармақ мынадай мазмұндағы 5) тармақшамен толықтырылсын:

5) мемлекеттік қызмет істерi жөніндегі уәкiлеттi органмен немесе оның аумақтық бөлiмшелерiмен сынақ мерзiмдерi және оны өткiзетiн орны туралы келiсу.»;

25-тармақ мынадай редакцияда жазылсын:

«25. Аттестация комиссиясы табыс етiлген материалдарды зерделеп және сынақтан өту кезiнде лауазымдардың осы санаты үшiн уәкiлеттi орган белгiлеген шектi мәннен (бұдан әрi - шектi мән) төмен емес баға алған қызметшiмен әңгiме жүргiзiп мынадай шешiмдердiң бiрiн қабылдайды:

1) атқаратын лауазымына сәйкес және жоғары санаттағы лауазымға орналасу үшiн кадрлар резервiне ұсынылады;

2) атқаратын лауазымына сәйкес;

3) қайтадан аттестациялануға тиiс;

4) атқаратын лауазымына сәйкес келмейдi.»;

мынадай мазмұндағы 25-1-тармақпен толықтырылсын: