«Сот-наркологиялық сараптаманы өндіру жөніндегі нұсқаулықты бекіту туралы» Қазақстан Республикасы Денсаулық сақтау министрінің 2010 жылғы 12 наурыздағы № 165 бұйрығына өзгерістер енгізу туралы» Қазақстан Республикасы Денсаулық сақтау министрінің 2014 жылғы 31 қаңтардағы № 54 бұйрығы (күші жойылды)

«Сот-наркологиялық сараптаманы өндіру жөніндегі нұсқаулықты бекіту туралы» Қазақстан Республикасы Денсаулық сақтау министрінің 2010 жылғы 12 наурыздағы № 165 бұйрығына өзгерістер енгізу туралы
Қазақстан Республикасы Денсаулық сақтау министрінің 2014 жылғы 31 қаңтардағы № 54 бұйрығы

ҚР Әділет министрінің 2016 жылғы 24 ақпандағы № 94 бұйрығымен күші жойылды

«Қазақстан Республикасындағы сот-сараптама қызметі туралы» 2010 жылғы 20 қаңтардағы Қазақстан Республикасының Заңы 20-бабының 2) тармақшасына сәйкес БҰЙЫРАМЫН:

1. «Сот-наркологиялық сараптаманы өндіру жөніндегі нұсқаулықты бекіту туралы» Қазақстан Республикасы Денсаулық сақтау министрінің 2010 жылғы 12 наурыздағы № 165 бұйрығына (Нормативтік құқықтық актілерді мемлекеттік тіркеу тізілімінде № 6142 болып тіркелген, 2010 жылғы 29 қарашада «Казахстанская правда» газетінің № 325 (26386) нөмірінде жарияланған) мынадай өзгерістер енгізілсін:

жоғарыда көрсетілген бұйрықпен бекітілген Сот-наркологиялық сараптаманы өндіру жөніндегі нұсқаулықта:

14-тармақ мынадай редакцияда жазылсын:

«14. Сот-наркологиялық сараптама қызметінің субъектілеріне:

сот-наркологиялық сараптама органының басшысы;

комиссиялық сот-наркологиялық сараптаманы өндіру кезінде жетекші сот-наркологиялық сарапшысы;

сот-наркологиялық сарапшы не лицензия негізінде сот-наркологиялық сараптаманы өндіру бойынша қызметті жүзеге асыратын жеке тұлға жатады.»;

21-тармақ мынадай редакцияда жазылсын:

«21. Сот-наркологиялық сараптама зерттеулерінің нәтижелері бойынша осы Нұсқаулыққа 4-қосымшаға сәйкес нысан бойынша сарапшының жазбаша қорытындысы жасалады, оны өздерінің жеке қолдарымен және жеке мөрлерімен куәландырады.

Сот-наркологиялық сараптаманы сот-наркологиялық сараптама органы өндірген жағдайда сот-наркологиялық сарапшылардың қолы, көрсетілген органның мөрімен расталады»;

34-тармақ мынадай редакцияда жазылсын:

«34. Қорытындыны берудің мүмкін болмауы туралы хабарлама осы Нұсқаулыққа 5-қосымшаға сәйкес ресімделеді:

Оны ресімдеу күні, сот-наркологиялық сараптаманы өндіру орны мен мезімдері;