«Ауыл шаруашылығын қолдауға берілетін кредиттер (лизинг) бойынша сыйақы мөлшерлемесін өтеу бойынша субсидиялау» мемлекеттік көрсетілетін қызмет стандарты (Қазақстан Республикасы Үкіметінің 2014 жылғы 25 ақпандағы № 150 қаулысымен бекітілген) (күші жойылды)

ҚР Үкіметінің 2015 жылғы 31 қазандағы № 870 Қаулысымен күші жойылды

Қазақстан Республикасы

Үкіметінің

2014 жылғы 25 ақпандағы

№ 150 қаулысымен

бекітілген

«Ауыл шаруашылығын қолдауға берілетін кредиттер (лизинг) бойынша сыйақы мөлшерлемесін өтеу бойынша субсидиялау»
мемлекеттік көрсетілетін қызмет стандарты
 

«Ауыл шаруашылығын қолдауға арналған кредиттер (лизинг) бойынша сыйақы мөлшерлемесін өтеу бойынша субсидиялау» мемлекеттік көрсетілетін қызмет регламентін қараңыз

1. Жалпы ережелер

1. Мемлекеттік көрсетілетін қызмет «Ауыл шаруашылығын қолдауға арналған кредиттер (лизинг) бойынша сыйақы мөлшерлемесін өтеу бойынша субсидиялау» (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Ауыл шаруашылығы министрлігі әзірледі.

3. Мемлекеттік көрсетілетін қызметті Қазақстан Республикасы Ауыл шаруашылығы министрлігі (бұдан әрі - көрсетілетін қызметті беруші) көрсетеді.

2. Мемлекеттік қызметті көрсету тәртібі

4. Мемлекеттік көрсетілетін қызмет мынадай мерзімдерде көрсетіледі:

1) мемлекеттік қызмет көрсету мерзімі:

көрсетілетін қызметті алушының құжаттарын қарау - тиісті қаржы жылының сәуір айының бірінші сейсенбісінде басталады.

Тиісті жылы көзделген субсидиялар толығымен бөлінбеген және (немесе) құжаттарға алдыңғы қарау жүргізу қорытындылары бойынша қаражат үнемделген жағдайда, құжаттарды қайта қарау тиісті жылдың шілде және қазан айларының бірінші сейсенбісінде басталады;

субсидияларды көрсетілетін қызметті алушының банк шотына аудару - қаражатты республикалық бюджеттен қаржы институтының есепшотына аударуға арналған өтінімді және есепті көрсетілетін қызметті алушының қаржы институты ұсынғаннан кейін он жұмыс күні ішінде;

2) құжаттар топтамасын тапсыру үшін күтудің рұқсат етілетін ең ұзақ уақыты - 30 (отыз) минуттан көп емес;

3) қызмет көрсетудің рұқсат етілетін ең ұзақ уақыты - 30 (отыз) минуттан көп емес.

5. Мемлекеттік қызметті көрсету нысаны: қағаз түрінде.