«Талқылау объектілері болып табылатын тауарлардың импортына сандық шектеулерді қолданбай Қазақстан Республикасының аумағына лицензия беру, қайта ресімдеу, лицензия телнұсқасын беру» мемлекеттiк қызмет көрсету стандарты (Қазақстан Республикасы Үкіметінің 2012 жылғы 28 маусымдағы № 865 қаулысымен бекітілген) (күші жойылды)

ҚР Үкіметінің 2014 жылғы 25 ақпандағы № 149 Қаулысымен күші жойылды

Қазақстан Республикасы

Үкіметінің

2012 жылғы 28 маусымдағы

№ 865 қаулысымен

бекітілген

«Талқылау объектілері болып табылатын тауарлардың импортына сандық шектеулерді қолданбай Қазақстан Республикасының
аумағына лицензия беру, қайта ресімдеу, лицензия телнұсқасын беру»
мемлекеттiк қызмет көрсету стандарты
 
 
1. Жалпы ережелер

1. Мемлекеттік қызметті Қазақстан Республикасы Экономикалық даму және сауда министрлігінің Сауда комитеті (бұдан әрі - Комитет) жүзеге асырады және алушының электрондық цифрлық қолтаңбасы болған жағдайда www.e.gov.kz  «электрондық веб-порталы» немесе www.elicense.kz  «Е-лицензиялау» веб-порталы (бұдан әрі - веб-портал) арқылы жүзеге асырылады.

Комитеттің мекенжайы: 010000, Астана қаласы, Орынбор көшесі, № 8 үй, «Министрліктер үйі» ғимараты, 4-кіреберіс; телефоны: 8 (7172) 74-91-16 8 (7172) 74-91-16, интернет-ресурстары: www.minplan.kz, www.comtorg.kz.

2. Көрсетілетін мемлекеттік қызметтің нысаны: толық автоматтандырылған.

3. Мемлекеттiк қызмет «Тауарлар импорты жағдайында ішкі рынокты қорғау шаралары туралы» Қазақстан Республикасының 1998 жылғы 28 желтоқсандағы Заңына, «Қазақстан Республикасы Экономикалық даму және сауда министрлігінің мәселелері» туралы Қазақстан Республикасы Үкiметiнің 2004 жылғы 28 қазандағы № 1116 қаулысының 10-тармағының 28) тармақшасына және «Тауарлардың, оның ішінде экспорттық бақылауға жататын өнімнің, экспорты мен импортын, сондай-ақ жекелеген тауарлардың импортын автоматты түрде лицензиялау кезіндегі қызметті лицензиялау ережесін, лицензиялау жөніндегі қызметке қойылатын біліктілік талаптарын және экспорты мен импорты лицензиялануға тиіс тауарлардың тізбесін бекіту туралы» Қазақстан Республикасы Үкiметiнің 2008 жылғы 12 маусымдағы № 578 қаулысының 2-тармағына сәйкес жүзеге асырылады.