-

Қазақстан Республикасы Yкіметінiң кейбір шешiмдерiне өзгерістер
мен толықтырулар енгізу туралы
Қазақстан Республикасы Үкіметінің 2005 жылғы 23 мамырдағы № 495 Қаулысы

Осы редакция 2008 жылғы 31 желтоқсандағы енгізілген өзгерістеріне дейін қолданылды

«Салық және бюджетке төленетiн басқа да мiндеттi төлемдер туралы» Қазақстан Республикасының 2001 жылғы 12 маусымдағы Кодексiне (Салық кодексi), Қазақстан Республикасының «Темекi өнiмдерiнiң өндiрiлуi мен айналымын мемлекеттік реттеу туралы« 2003 жылғы 12 маусымдағы және «Этил спирті мен алкоголь өнiмiнiң өндiрiлуiн және айналымын мемлекеттік реттеу туралы« 1999 жылғы 16 шiлдедегi Заңдарына сәйкес Қазақстан Республикасының Үкіметі ҚАУЛЫ ЕТЕДI:

1. Қазақстан Республикасы Үкіметінiң кейбір шешiмдерiне мынадай өзгерістер мен толықтырулар енгiзiлсiн:

1) «Акцизделетiн тауарлардың жекелеген түрлерiн акциздiк маркалармен таңбалаудың тәртібін бекіту туралы» Қазақстан Республикасы Үкіметінiң 1999 жылғы 26 тамыздағы № 1251 қаулысына (Қазақстан Республикасының ПҮКЖ-ы, 1999 ж., № 42, 386-құжат):

көрсетiлген қаулымен бекітілген Акцизделетiн тауарлардың жекелеген түрлерiн акциздiк маркалармен таңбалаудың тәртібінде:

2-тармақтың екiншi абзацы мынадай редакцияда жазылсын:

«нормативтiк-техникалық құжаттамаға сәйкес тұтыну ыдысына құйылған алкоголь өнiмi (шарап материалын және сыраны қоспағанда);»;

мынадай мазмұндағы 4-1-тармақпен толықтырылсын:

«4-1. Банкроттың мүлкiн (активтерiн) сататын конкурстық басқарушылар, конкурстық массаға енгiзiлген акцизделетін тауарларды акциздiк маркалармен таңбалауды өзiнiң аумағындағы оқшауланған орында таңбалау үшiн белгiленген технология бойынша жүргiзеді.»;

6-тармақта:

төртiншi абзац мынадай редакцияда жазылсын:

«жалғыз даналарда жарнама және (немесе) көрсету мақсатында Қазақстан Республикасының кедендiк аумағына «тауарлар мен көлiк құралдарын уақытша әкелу» және «тауарлар мен көлiк құралдарын уақытша әкету» кедендiк режимдерiнде әкелiнетiн;»;

бесiншi абзацтағы «тауар транзитiнiң» деген сөздер «тауарлар транзитi» деген сөздермен ауыстырылсын;