«Қазақстан Республикасы Президентінің 2007 жылғы 20 тамыздағы № 383 Жарлығына өзгерістер мен толықтырулар енгізу туралы» Қазақстан Республикасы Президентінің 2009 жылғы 13 ақпандағы № 737 Жарлығы

Қазақстан Республикасы Президентінің Жарлығы

Қазақстан Республикасы Президентінің 2007 жылғы 20 тамыздағы № 383 Жарлығына

өзгерістер мен толықтырулар енгізу туралы

«Қазақстан Республикасының Президенті туралы» Қазақстан Республикасының 1995 жылғы 26 желтоқсандағы Конституциялық заңының 20-бабына сәйкес ҚАУЛЫ ЕТЕМІН:

1. «Қазақстан Республикасындағы тұрғын үй құрылысының 2008-2010 жылдарға арналған мемлекеттік бағдарламасы туралы» Қазақстан Республикасы Президентінің 2007 жылғы 20 тамыздағы № 383 Жарлығына (Қазақстан Республикасының ПҮАЖ-ы, 2007 ж., № 28, 321-құжат; 2008 ж.,  № 33, № 341-құжат) мынадай өзгерістер мен толықтырулар енгізілсін:

жоғарыда аталған Жарлықпен бекітілген Қазақстан Республикасындағы тұрғын үй құрылысының 2008-2010 жылдарға арналған мемлекеттік бағдарламасында:

«Бағдарламаның паспорты» деген 1-бөлімде:

«Міндеттері» деген кіші бөлім мынадай мазмұндағы тоғызыншы абзацпен толықтырылсын:

«Бағдарламаны іске асыру тетігі»;

«Қажетті ресурстар және қаржыландыру көздері» деген кіші бөлімде:

екінші абзацтағы «308,8», «108», «100,1» және «92,6» деген цифрлар тиісінше «299,349», «106,598», «100,123» және «92,628» деген цифрлармен ауыстырылсын;

төртінші және бесінші абзацтардағы «және салуға» деген сөздер «, салуға және (немесе) жеке құрылыс салушылардан сатып алуға» деген сөздермен ауыстырылсын;

алтыншы абзац мынадай редакцияда жазылсын:

«2008-2010 жылдары «Тұрғын үй құрылыс жинақ банкі» АҚ (бұдан әрі - ТҚЖБ) жылдық 1% ставка бойынша - 57 млрд. теңге, оның ішінде 2008 жылы - 23,56 млрд. теңге, 2009 жылы - 18,28 млрд. теңге, 2010 жылы - 15,16 млрд. теңге;»;

сегізінші абзацтағы «194» деген цифрлар «192,549» деген цифрлармен ауыстырылсын;

тоғызыншы және оныншы абзацтар мынадай редакцияда жазылсын:

«әкімдіктерде кезекте тұрған азаматтар үшін мемлекеттік жалға берілетін үйлерді жобалауға, салуға және (немесе) жеке құрылыс салушылардан сатып алуға - 42,834 млрд. теңге, оның ішінде 2008 жылы - 8,734 млрд. теңге, 2009 жылы - 21,6 млрд. теңге, 2010 жылы - 12,5 млрд. теңге;