«Бухгалтерлердің кәсіби ұйымдарын және бухгалтерлерді кәсіби сертификаттау жөніндегі ұйымдарды аккредиттеу ережесін бекіту туралы» Қазақстан Республикасы Қаржы министрінің 2007 жылғы 22 мамырдағы № 183 бұйрығына өзгерістер мен толықтырулар енгізу туралы» Қазақстан Республикасы Қаржы министрінің 2008 жылғы 22 шілдедегі № 350 Бұйрығы (күші жойылды)

«Бухгалтерлердің кәсіби ұйымдарын және бухгалтерлерді кәсіби сертификаттау жөніндегі ұйымдарды аккредиттеу ережесін бекіту туралы» Қазақстан Республикасы Қаржы министрінің 2007 жылғы 22 мамырдағы № 183 бұйрығына өзгерістер мен толықтырулар енгізу туралы
Қазақстан Республикасы Қаржы министрінің 2008 жылғы 22 шілдеде № 350 бұйрығы

ҚР Қаржы министрінің 2011 жылғы 23 желтоқсандағы № 653 бұйрығымен күші жойылды

«Бухгалтерлік есеп және қаржылық есептілік туралы» Қазақстан Республикасының Заңының 20-бабы 5-тармағының 11) тармақшасына сәйкес БҰЙЫРАМЫН:

1. «Бухгалтерлердің кәсіби ұйымдарын және бухгалтерлерді кәсіби сертификаттау жөніндегі ұйымдарды аккредиттеу ережесін бекіту туралы» (Нормативтік құқықтық кесімдерді мемлекеттік тіркеудің тізілімінде № 4742 болып тіркелген, 2007 жылғы 27 шілдедегі № 114 (1143) «Заң газеті» газетінде жарияланған) Қазақстан Республикасы Қаржы министрінің 2007 жылғы 22 мамырдағы № 183 бұйрығына мынадай өзгерістер мен толықтырулар енгізілсін:

көрсетілген бұйрықпен бекітілген Бухгалтерлердің кәсіби ұйымдарын және бухгалтерлерді кәсіби сертификаттау жөніндегі ұйымдарды аккредиттеу ережесінде:

4-тармақ мынадай редакцияда жазылсын:

«4. Сертификаттау жөніндегі ұйымдар оларды аккредиттеуден өткізу үшін уәкілетті органға мынадай құжаттарды ұсынады:

1) осы Ережеге 1-қосымшаға сәйкес нысан бойынша өтініш;

2) құрылтайшы құжаттарының нотариалдық расталған көшірмелері:

қызметінің негізгі түрлерінің бірі бухгалтерлерді кәсіби сертификаттау жөніндегі ұйым ретіндегі қызмет етіп көзделген жарғысының;

мемлекеттік тіркелгені туралы куәлігі;

салық төлеушінің тіркеу нөмірі берілгені туралы куәлік;

статистикалық карточка;

3) осы Ережеге 4, 4-1-қосымшаға сәйкес нысан бойынша сертификаттау жөніндегі ұйымдар жұмыс органдарының құрылымы, бар-жоғы, материалдық-техникалық жарақтарының бар-жоғы туралы мәліметтер;

4) осы тармақшада көрсетілген пәндер бойынша оқудан тәуелсіз емтихандық жүйесінің бар екендігін растайтын құжаттар, оның ішінде: